2021年10月，剛剛接連經歷著着兩個8號風球。
狂風驟雨把Emma的房間窗台弄濕，她要把毛巾抹乾積聚嘅雨水。那落個不停的暴雨把窗外美好的風景蓋上濃濃的白纱，好像要把眼前的美好的視線截斷。
假期中在家百無聊賴，翻開手機的相簿，無意中找到了這張隨拍照，頓時令人感到很寫意。那不冷也不熱的感覺，好像久違了！
久違了，除了是那揚逸的天氣，還有……每一個你在這10多年間的情誼。多謝你們一直相信 Emma 的品味及形象配搭，還有那不很專業亦不很正式的各種意見（尤其是見工面試技巧）。
用「斜槓時裝師」來形容 Emma 實在貼切不過。過去(及現在) Emma一直擔當著各種Advisors 的角色, 無論和街坊街里家庭主婦談論生活琑事遇到的難題、以至中環OL在工作生涯的辦公學問及晉升階梯抑或打扮配搭；甚或香港各大上市公司董事在法規及程序上的安排等事宜，他們也一直既「無奈」又乖巧地要聽取E小姐給予的意見。用「無奈」來形容，係因為 Emma 過去一直扮演着各種所謂的「專家」，眾所週知，「專家」這身份係無辦法被challenge的（突然想起#專家Dickson, 一笑）。
點解 Emma 呢幾年好似「消失」咗（用「隱身」較到位）係大家嘅圈子裏面？Emma 係一隻「八爪魚」，應該係話……係一隻「百足」咁「百足咁多爪」！。事件緣因為Emma 既興趣好廣泛（但佢就好懶做運動，靜態嘅興趣比較多），所以經常埋頭苦幹礸研唔同嘅新事物、或學習唔同嘅新科技。呢幾年，無論佢喺財經界抑或科技界都走在行業嘅前端，日以繼夜埋首苦幹苦讀，抱歉忽略了大家……
實在，久違了！Emma 好想念大家，佢想搵番大家，同大家分享下呢幾年（或者過去咁多年職涯上）所見到嘅人和事，尤其系佢對科技及軟實力等的擦邊見解和知識。
當然，以Emma 嘅人生閲歴，各類知情知性及專業知識嘅分享又點少得！Emma 會將所睇到、聽到、學到及做到的點點滴滴，無私咁分享比大家。呢個係佢迎接倒數人生對社會嘅一點點回饋！
